Origo: https://ephemerisnuntii.eu/nuntius.php
Praeses Donaldus Trump a more incostanti non cessat: post “pacem factam in uno die”, frustra promissam, mense Martio declaravit auxilia militaria pro Ucraina intermittenda esse; nuper, cum colloquia pacis cum Praeside Putin irrita fuissent, nuntiavit se pactum fecisse cum societate NATO ut nova arma in Ucrainam mitterentur, praeter missilia “Patriot” ad defendenda loca strategicon et intercipienda missilia hostilia.
Pretium CCC milliones dollariorum a societate Nato solvetur, ergo ab ipsis nationibus Europae, quae hesterno die epistulam Trumpianam acceperunt de portoriis centesimarum tricenum impositis a Kalendis Augustis rebus in Civitates Unitas evectis.
Consiliis inter se pugnantibus totus orbis stupet, sed in discrimine et incerto versatur.
Scripsit Lydia Ariminensis – 13/07/2025 10h40
Gianluca di Castri (IdeaConsult) 