REDEUNTES

Palaestini migrare bello coacti ad suas sedes redituri sunt, melius est  dicere  ad reliquias vitae reficiendae. Ordo Nationum Unitarum reputat restitutionem litoris Gazae usque ad annum MMXL intermitti non posse et impensam  fore quadragies milies centum milium. Omnibus constat  auxilium internationale praecipuum esse ut fundamenta pacis agantur in illa terra bello vastata. 

Contentio de obsidibus dimittendis impediverat  profectum exulum  constitutum  foedere facto in capite catariano Doha, cum  feminae civiles primae liberandae essent nec hoc accidisset.  A.d.XIV   tres puellae Israeli traditae sunt, priore die Saturni etiam quattuor feminae pugnantes, sed, una absente, iter Palaestinorum repressum erat. Hodierno die duae feminae et viro liberati sunt, una cum quinque civibus Thailandiae, pro centum decem  Palaestinis.  Ex pacto indutiarum in summa XXXIII Israeliani reddentur propinquis, quorum octo perierunt, pro mille Palaestinis captivis. Minister Primarius Netanyahu valde reclamavit ob imagines obsidum inter multitudinem eos prementem, qua re serius milites gregis Hamas dimisit.   
 

Scripsit Lydia Ariminensis – 30/01/2025 21h48

https://ephemerisnuntii.eu/nuntius.php?id=2419